சொல்லாலே பந்தல்...

உலுக்கி எடுக்கிறார்கள்!

உறங்குவதாய் நடிக்கிறேன்

ஊம்ஹூம்...

ஒன்றும் புண்ணியமில்லை!

மேலும் உலுக்கப் படுகிறேன் 

உறங்குவதாக நடித்தவன் 

இப்போது 

விழித்தவனாய் நடிக்கிறேன் !

நான் விழித்துக் கொண்டு விட்டேன் !

இவர்களது உலுக்கலோ

இன்னும் தொடர்கிறது !!

விலையறியாப் பதர்களிடம்,

விலைபோகா விஷயங்களை 

விற்றுவிடப் பார்க்கிறார்கள் !

கல்லிலே நார் உரிப்பேன் 

மணலைக் கயிறாய்  

நான் திரிப்பேன் 

என்று 

சொல்லாலே பந்தல் போட்டால்

செயலுக்கு முடிவு ஏது??

கி.பாலாஜி

27.12.2019

மாலை 4.445

உரிக்க உரிக்க.....

உரித்துக் கொண்டே 

இருக்கிறேன்; 

உரிக்க உரிக்க 

'நான்'

இன்னும் வலுக்கிறது ;

இன்னும் ஒரு சுற்றுப் 

பருக்கிறது !

இன்னும் உரிக்கிறேன் 

இறுதிவரை சோராமல் !

கொஞ்சம் கொஞ்சமாய் 

சோர்கிறது 'நான்'!

குத்துமதிப்பாய்

 ஒரு முற்றுப்புள்ளி ஆகிறது!

முற்றிலும் களைந்துவிட 

முயன்றுதான் பார்க்கிறேன் !

ஆனாலும் 

'புள்ளி' ஒரு 'வெள்ளி'யாக

மிளிர்கிறது !

கடுகு சிறுத்தாலும்

போகுமா காரம் !!

--கி. பாலாஜி

27.12.2019

மாலை 4 மணி