நெஞ்சில் நெருடும் முள்
மாலையிடவும் முடியவில்லை
மறந்திடவும் முடியவில்லை
மனதில் சுமக்கின்ற
பாரத்தை இறக்கி வைக்கச்
சுமைதாங்கிக் கல்லேதும்
சுற்றுப்புறத்தில்லை !
கண்களால் பல கதைகள்
நானும் சொன்னதுண்டு;
வெறும் கதை எனக்கேட்டு
நீ வேறிடம் சென்றதுண்டு!
உள்ளில் அலையடிக்கும்
ஓங்காரப் பேரிரைச்சல்
உன் செவிக்குக் கேட்கப்
போவதில்லை பூமகளே!
எத்தனைதான் மனதுக்குக்
காரணங்கள் புரிந்தாலும்
காதல் பிறப்பதற்குக்
காரணமே இல்லையடி !
---கி.பாலாஜி
25.06.2020
No comments:
Post a Comment