பொழிக பொழிகவே

மழை வேண்டல்

பொழிக பொழிகவே - மேகம்
மலர்க மலர்கவே !

அமுத மழை பொழிகவே
அனைத் துயிர்களும் மகிழ்கவே
உயிரின் தாகம் அடங்கவே
உலகமெங்கும் தழைக்கவே              (பொழிக)

உலக ளாவிய வெப்ப வேகம்
ஊற்று நீரால் தணிகவே
ஊற்று நீராய் உந்த னருளும்
உலகைக் காக்க எழுகவே                  (பொழிக)

நீர்நிலைகள் நிறைகவே
நிறைந்த காற்றும் குளிர்கவே
மண்ணின் மணத்தை நுகரும் கணத்தில் மங்களங்கள் பெருகவே                    (பொழிக)

நேரில் அருளும் வருண மனமும்
நிறைந்து குளிர்ந்து மகிழ்கவே
வீசும் கதிரின் வெப்பம் தணிந்து
விசிறியாகி வீசவே                            (பொழிக)

கி.பாலாஜி
09.04.2019