என்றும் நிலைக்கும் ராமநாமம்

ராம ராம ராம ராம
ராம ராம ராம ராம்
ராம ராம ராம ராம
ராம ராம ராம ராம்

வில்லெடுத்த வீரமோ
சொல் தொடுத்த சாரமோ
கல் பிழைத்த கோலமோ
சொல்வதேது சொல்லிலே

மைநாக செருக் கழித்த
ராமதூதன் வீரமே
ராமன் வீரம்
தனையும் வெல்லும்
ராமநாம தீரமே

திருவரங்கத்தே நிலைக்க
செய்த லீலை எண்ணவோ
திண்மை அழித்து
நன்மை அணையக்
கொண்ட பிறவி என்னவோ

மானுடமே தழைக்க வேண்டி
மனிதனாக வந்து நின்று
பட்ட தொல்லை தம்மை வென்று
பாடம் சொன்ன ராம மே

எதை எடுக்க எதை விடுக்க
என்று குழம்பும் மனதிலே
என்றும் நிலைக்கும் ராமநாமம்
ஒன்று மட்டும் முடிவிலே

-கி.பாலாஜி
11.04.2019
காலை 9 மணி